ՀՀ Մարդու իրավունքների պաշտպան Արման Թաթոյանն, այսօր «168 ժամ»-ի եթերում աննդրադառնալով իր եզրափակիչ ելույթում Հանրային հեռուստաընկերության հասցեին հնչեցրած քննադատությանն ու դրան հետևած Պետրոս Ղազարյանին Հ1-ի տաղավարում տված իր հարցազրույցին, ասել է, որ պնդում է՝ իր զեկույցները կամ չեն լուսաբանվել, կամ լուսաբանվել են աղավաղված: «Մենք կհրապարակենք մեր մոնիթորինգի արդյունքները: Այն վերաբերմունքը, որ ՀՀ Մարդու իրավունքների պաշտպանի անկախ հաստատության նկատմամբ ցուցաբերված էր, ակնհայտորեն ուղղված էր ՄԻՊ դերի նվազեցմանը և նույնիսկ հեղինակազրկմանը: Ես հատուկ էի գնացել Հանրային հեռուստաընկերություն, որ իրենց հետ կապված հարցերն իրենց հետ քննարկեմ: Կարող եմ ասել, որ դա հարցազրույց չէր, այլ պատվերով հանձնարարականի կատարում, որովհետև ես չկարողացա այդ ամբողջ խնդիրները ներկայացնել: Հարցազրույց վարողն ինձ ուղղակի հնարավորություն չտվեց»,- ասել է Արման Թաթոյանը: Մանրամասները՝ տեսանյութում:
|