+24 °C, +13 °C ... +24 °C Վաղը`+24 °C
Երևանի ընդհանուր իրավասության դատարանում Ռոբերտ Քոչարյանի և Արմեն Գևորգյանի գործով նախատեսված դատական նիստը հետաձգվեց։ Արմեն Գևորգյանի պաշտպան Էրիկ Ալեքսանյանը միջնորդություն ներկայացրեց դատարանին հետաձգել նիստը մինչև մայիսը 25-ը՝ որպես հիմնավորում ներկայացնելով իր պաշտպանյալի առողջական խնդիրներով պայմանավորված նիստին մասնակցել չկարողանալու հանգամանքը։ Ռոբերտ Քոչարյանի պաշտպան Արամ Վարդևանյանը դատարանին միջնորդություն ներկայացրեց, որ դատական նիստերը հետաձգվեն մինչև խորհրդարանական ընտրությունների ավարտը։ Պաշտպանը նշեց, որ Քոչարյանը մասնակցելու է ընտրություններին, և որպեսզի մրցակցության կանոնների խախտում չլինի, նիստերը պետք է տեղի չունենան։ Նշված միջնորդության դեմ դատախազը բողոքեց՝ ասելով, որ չի կարող ընտրություններին մասնակցելը խոչընդոտել գործի քննությանը և նկատեց, որ դատարանը չպիտի ընդունի միջնորդությունը։ Դատավոր Աննա Դանիբեկյանը հայտնեց, որ ինքը գտնվելու է վերապատրաստման մեջ և մինչև մայիսի 25-ը չի կարողանա նշանակել դատական նիստեր, ուստի հաջորդ դատական նիստը նշանակեց սույն թվականի մայիսի 25-ին՝ ժամը 13։00-ին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am