ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +3 °C ... +13 °C Վաղը`+16 °C
#FreedomHouse-ն Ադրբեջանին կոչ է արել հայ գերիների մասին ամբողջական տեղեկատվություն տրամադրել ՄԻԵԴ-ին
12:12, 12.05.2021 | mamul.am
6353 | 0

Freedom House իրավապաշտպան կազմակերպությունը զեկույց է հրապարակել՝ ի պատասխան վերջին զինված հակամարտությունից հետո Ադրբեջանի կողմից ձերբակալված հայ ռազմագերիների նկատմամբ դաժան վերաբերմունքի մասին հաղորդագրությունների:

«Ադրբեջանում կալանքի տակ գտնվող գրեթե 200 հայի ճակատագիր անհայտ է մնում՝ նրանց նկատմամբ խոշտանգումների և նվաստացումների մասին հաղորդագրությունների ֆոնին»,-ասվում է զեկույցում։
«Խորապես մտահոգված ենք գերեվարված և ձերբակալված հայերի նկատմամբ անմարդկային վերաբերմունքի և խոշտանգումների մասին հաղորդագրություններով»,-ասել է Freedom House-ի Եվրոպայի և Եվրասիայի ծրագրերի տնօրեն Մարկ Բեհրենդթը:
«Մենք կոչ ենք անում Ադրբեջանի իշխանություններին սերտորեն աջակցել մարդու իրավունքների եվրոպական դատարանի ջանքերին՝ հետաքննելու ձերբակալված հայերի նկատմամբ անմարդկային վերաբերմունքի մասին հաղորդագրությունների իսկությունն՝ անկախ նրանց կարգավիճակից, և ապահովել պահվող անձանց պաշտպանությունը՝ միջազգային մարդասիրական իրավունքի պահանջների համաձայն, ներառյալ պաշտպանությունը կտտանքներից և անմարդկային վերաբերմունքից, ինչպես նաև նրանց հայրենադարձության մասին մանրամասն տեղեկություն տրամադրել: Որպես մարդու իրավունքների եվրոպական կոնվենցիային կողմ պետություն՝ Ադրբեջանը պարտավոր է սերտորեն համագործակցել դատարանի հետ և տրամադրել պահանջվող ողջ տեղեկատվությունն՝ այս լուրջ հարցերի թափանցիկ հետաքննությունն ապահովելու համար»։

Կիսվի՛ր այս նյութով՝
դեպի վեր