Իսրայելի ու Գազայի հատվածի միջև ռազմական բախումը չի դադարում: Կողմերը երկուստեք հրթիռակոծում են հակառակորդի քաղաքները: Այսպես, այսօր Գազայի հատվածից հրթիռակոծվել են Իսրայելի կենտրոնական հատվածի քաղաքները՝ Ռամաթ Գանեն, Շոամը, Ռիշոն դե Ցիոնեը, Պետախ-Տիկվեն, ինչպես նաև՝ երկրի հարավը և Գազայի հետ սահմանակից Աշելոն քաղաքը: Հաղորդվում է, որ պաղեստինյան հրթիռների մեծ մասը որսացել է իսրայելական «Երկաթե գմբեթ» ՀՕՊ համակարգը, կամ էլ դրանք ընկել են ոչ բնակելի տարածքների վրա: Իսրայելական կողմից այսօր տուժել է 6 մարդ: Իր հերթին Իսրայելը հրթիռակոծում է Գազայի քաղաքներն ու ռազմական օբյեկտները: Այսօր պաղեստինցիները տվել են առնվազն 3 զոհ: Հակամարտության սրումից՝ մայիսի 10-ից վեր Գազայի հատվածում կա շուրջ 50 զոհ, Իսրայելում՝ ավելի քան 5: Տեսանյութում պատկերված է՝ ինչպես է Իսրայելը ռմբակոծում Գազայի հատվածում գտնվող քաղաքը: |