+19 °C, +15 °C ... +26 °C Վաղը`+26 °C
«Հանրապետություն» կուսակցության նախագահ Արամ Սարգսյանն այսօր «Ֆակտոր»-ի եթերում անդրադարձել է ՀՀ 2-րդ նախագահ Ռոբերտ Քոչարյանի՝ օրերս արած հայտարարությանը, թե ինքը ոչ մեկի նկատմամբ հաշվեհարդար չի տեսել: «Գուցե ինքը կամ իր շրջապատի մարդիկ հավատում են իր ասածին, բայց դա, բնականաբար, էդպես չի: Քոչարյանի ղեկավարման տարիներին հաշվեհարդարները բազմաթիվ են եղել: Ես կարող եմ մի օրինակ բերել՝ երբ իր կաբինետում էինք, առաջարկեց վարչապետ նշանակել ինձ ու հարցրեց՝ այ, դու եթե վարչապետ դառնաս, կարո՞ղ ես Վանո Սիրադեղյանին կալանավորել: Սա ուղիղ ինձ ասել է նա իր կաբինետում: Եթե նա ասի, որ ես սուտ եմ ասում, աստծո առաջ մեղք կգործի: Ես պատասխանել եմ՝ ինչի՞ համար կալանավորել Սիրադեղյանին: Եթե մեղք ունի գործած, ուրեմն պիտի պատժվի, վարչապետը դրա հետ կապ չունի, Սահմանադրությամբ ես էդպիսի լիազորություններ չունեմ: Ես չեմ կարող հիշել՝ ինչի համար էր այդ հարցը, ու էն ժամանակ հիմնավորում էլ չկար, ուղղակի օդի մեջ էր էդ հարցը, և դրա համար էր, որ Վանո Սիրադեղյանը լքեց Հայաստանը: Նա լքեց Հայաստանը, ոչ թե նրա համար, որ վախենում էր դատվեր, այլ համարում էր, որ Ռոբերտ Քոչարյանն այնքան քինախնդիր է, որ կսպանեն»,- պատմել է Սարգսյանը: Մանրամասները՝ տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am