+12 °C, +12 °C ... +26 °C Վաղը`+25 °C
«Բանակցություններն իրենց մեջ մեսիջներ ու ահազանգեր են պարունակում, որպեսզի խնդիրն արագ կարգավորվի: Բանակցությունների ընթացքում տեսնում ենք, որ խնդրի կարգավորմանն ենք գնում, և եթե մինչև ՀԱՊԿ-ի գործընթացի սկսելն այն չկարգավորվի, ապա միանշանակ է, որ ՀԱՊԿ միջամտությունից անմիջապես հետո այս խնդիրը կկարգավորվի»,- Առաջին ալիքի եթերում ասել է ԱԽ քարտուղար Արմեն Գրիգորյանը՝ անդրադառնալով ադրբեջանցիների՝ Սև լճի տարածք ներխուժելու փաստին։ Ինչ վերաբերում է այն հարցին, թե ինչու է Հայաստանը ՀԱՊԿ-ին դիմել պայմանագրի 2-րդ կետով և ոչ թե 4-րդ, ԱԽ քարտուղարը պարզաբանել է, որ քննարկումներից հետո եկել են նման եզրակացության․ «Իրավիճակի ընդհանուր գնահատումը ցույց է տալիս՝ ստեղծված իրողությունները համապատախանում են երկրորդ հոդվածին․․․ Սպառնալիք է ստեղծվել անվտանգության, և այն չեզոքացնելու համար երկրորդ հոդվածով ենք դիմում ՀԱՊԿ-ին: Կառույցի պատմության մեջ առաջին անգամ է նման գործընթաց սկսվում, Ռուսաստանն անդամ է կառույցին, և մենք համոզված ենք, որ սա արդյունավետ մեխանիզմ է»,- ասել է Ա․ Գրիգորյանը՝ համոզմունք հայտնելով, որ այս գործընթացն օգնելու է, որպեսզի խնդիրն ամբողջությամբ լուծվի: Մանրամասները՝ տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am