ՄԱՄՈՒԼ.ամ
Hay / Հայ | Рус | Eng | Tür
USD 518.61, EUR 630.16, RUB 7.24, GBP 733.68
+16 °C, +15 °C ... +28 °C Վաղը`+27 °C
«Ադրբեջանը պետք է հասկանա, որ իր չարագործությունների համար լուրջ հետևանքների առաջ է կանգնելու». Մենենդես
10:15, 14.05.2021
7581 | 0

ԱՄՆ Սենատի արտաքին հարաբերությունների հարցերով հանձնաժողովի նախագահ Բոբ Մենենդեսը հանդես է եկել հայտարարությամբ՝ անդրադառնալով Սյունիքի մարզ Ադրբեջանի անօրինական ներխուժման մասին հաղորդագրություններին:

«Ադրբեջանական զորքերի կողմից Հայաստանի ինքնիշխան տարածքի խախտումն ագրեսիայի վտանգավոր և անօրինական դրսևորում է, որն ընդգծում է մշտական վտանգը, որի առջև կանգնած է հայ ժողովուրդը։ ԱՄՆ-ում Հայաստանի դեսպանի հետ զրույցից հետո պարզ դարձավ, որ Միացյալ Նահանգներն ու միջազգային հանրությունն ընդհանուր առմամբ պետք է վճռականորեն արձագանքեն այդ ներխուժմանը, որպեսզի Ադրբեջանը հասկանա, որ իր չարագործունեությունների համար լուրջ հետևանքների առաջ է կանգնելու:

Կոչ եմ անում Բայդենի վարչակազմին այս հարցով զբաղվել ամենաբարձր մակարդակով՝ հասկացնելով, որ Ադրբեջանը պետք է հարգի Հայաստանի ինքնիշխանությունը, և որ հետագա սպառնալիքներն ու ագրեսիան ուղղակի անընդունելի են»։

Կիսվի՛ր այս նյութով՝
| |
) no-repeat center center; width:350px; height:80px; margin: 0 auto;">
դեպի վեր