«Ռուսաստանը Մինսկի խմբի միակ երկիրն է, որը դեռևս չի արձագանքել ստեղծված իրավիճակին․ երրորդ օրն է՝ շարունակում է պահպանել մեզ համար անհասկանալի լռություն, մինչդեռ Ադրբեջանը, թքած ունենալով Ռուսաստանի և ՀԱՊԿ պատասխանատվության գոտի համարվող Հայաստանի սուվերեն տարածքի նկատմամբ, ոտնձգություն է իրականացրել»,- այսօր՝ ԱԺ արտահերթ նիստի ժամանակ, դիմելով նիստի հիմնական զեկուցող ԲՀԿ պատգամավոր Արման Աբովյանին՝ ասաց անկախ պատգամավոր Արման Բաբաջանյանը։
«Ես շատ կուզեի գնահատեինք Ռուսաստանի և ՀԱՊԿ-ի այս շատ կրավորական պահվածքը ստեղծված աննախադեպ իրավիճակի կապակցությամբ, որովհետև ոտնձգություն է իրականացվել Հայաստանի սուվերեն տարածքի նկատմամբ, որը համարվում է Ռուսաստանի պատասխանատվության գոտի»,- հավելեց պատգամավորը։