ՄԱՄՈՒԼ.ամ
Hay / Հայ | Рус | Eng | Tür
USD 518.61, EUR 630.16, RUB 7.24, GBP 733.68
+16 °C, +15 °C ... +28 °C Վաղը`+27 °C
ԵՄ-ի կոչը Հայաստանին և Ադրբեջանին
00:05, 15.05.2021
5247 | 0

ԵՄ արտաքին հարաբերությունների գծով բարձր ներկայացուցիչ Ժոզեպ Բորելը հայ-ադրբեջանական սահմանին ստեղծված իրադրության կապակցությամբ հաղորդագրություն է տարածել։

«ԵՄ-ն ուշադիր հետևում է հայ-ադրբեջանական սահմանին տեղի ունեցող մտահոգիչ իրադարձություններին: Իմ անունից Եվրոպական արտաքին քաղաքական կապերի ծառայության գլխավոր քարտուղար Ստեֆանո Սաննինոն հինգշաբթի դիմել է Հայաստանի արտգործնախարար Արա Այվազյանին, իսկ ուրբաթ՝ Ադրբեջանի արտգործնախարար Ջեյհուն Բայրամովին՝ երկու կողմերին կոչ անելով ցուցաբերել առավելագույն զսպվածություն և ապաէսկալացնել իրավիճակը։ ԵՄ հատուկ ներկայացուցիչ Թոյվո Քլաարը նույնպես շփումներ է ունեցել ԵԱՀԿ գործող նախագահի հետ։

Սահմանազատման աշխատանքները պետք է լուծվեն բանակցությունների միջոցով՝ ի շահ տեղի բնակչության անվտանգության: Մենք ողջունում ենք երկու կողմերի միջև տեխնիկական մակարդակով շարունակական շփումները։

ԵՄ-ն շարունակում է աջակցել հակամարտության համապարփակ կարգավորմանը և կոչ է անում երկու երկրներին գտնել տարածաշրջանում կայունությունը պահպանող խաղաղ լուծումներ»,- ասված է հաղորդագրությունում։

Կիսվի՛ր այս նյութով՝
| |
) no-repeat center center; width:350px; height:80px; margin: 0 auto;">
դեպի վեր