ԱՄՆ պետքարտուղար Էնթոնի Բլինքենն ու Ֆրանսիայի ԱԳ նախարար Ժան-Իվ Լե Դրիանը հեռախոսազրույցի ընթացքում քննարկել են պաղեստինա-իսրայելական հակամարտության շուրջ ստեղծված իրավիճակը, ինչպես նաև Լեռնային Ղարաբաղի հարցը: Այս մասին ասված է Պետդեպարտամենտի մամուլի ծառայության ղեկավար Նեդ Փրայսի՝ բանակցությունների արդյունքների վերաբերյալ տարածած հայտարարության մեջ։ «Պետքարտուղար Բլինքենը և արտգործնախարար Լե Դրիանը՝ որպես ԵԱՀԿ Մինսկի խմբի համանախագահող երկրների ներկայացուցիչներ, խոսել են համագործակցության մասին և ընդգծել ԼՂ հակամարտության երկարաժամկետ քաղաքական կարգավորման անհրաժեշտությունը»,- հայտնել է Փրայսը: |