Իրանն ու Ադրբեջանը երկաթուղիների զարգացման մասին հուշագիր են ստորագրել։ Իրանի ճանապարհների և քաղաքաշինության նախարար Մոհամադ Էսլամիի խոսքով՝ Ադրբեջան կատարած մեկօրյա այցի շրջանակներում Ադրբեջանի տնտեսության նախարարի հետ հանդիպման ժամանակ ստորագրվել է երկաթուղային ենթակառուցվածքի զարգացման մասին փոխըմբռնման հուշագիր: Էսլամին հավելել է, որ փոխըմբռնման հուշագիրն ընդգրկում է նաև հյուսիս-հարավ և արևելք-արևմուտք միջանցքների ավելի արդյունավետ աշխատանքի հարցերը։ Նա նաև նշել է, որ Իրանը ջանքեր է գործադրում Ռեշտ-Ասթարա ավտոմայրուղու ընդլայնման ուղղությամբ, որի բացումից հետո ճանապարհը կկրճատվի մինչև 2 ժամով: |