ԱՄՆ պաշտպանության նախարար Լլոյդ Օսթինը հեռախոսազրույց է ունեցել իր թուրք գործընկեր Հուլուսի Աքարի հետ, որի ընթացքում քննարկվել է ՆԱՏՕ-ի առաջիկա գագաթնաժողովն ու երկկողմ ռազմական համագործակցությունը: Այս մասին ասված է Պենտագոնի մամուլի քարտուղար Ջոն Քիրբիի տարածած հայտարարության մեջ։ «Օսթինն ընդգծել է պաշտպանության ոլորտում ԱՄՆ-ի և Թուրքիայի միջև վաղեմի հարաբերությունները և ասել, որ անհամբերությամբ է սպասում Թուրքիայի պաշտպանության նախարարի հետ հունիսի 14-ին Բրյուսելում՝ ՆԱՏՕ-ի գագաթնաժողովի շրջանակում կայանալիք հանդիպմանը»,- հայտնել է Քիրբին: |