ՄԱՄՈՒԼ.ամ
Hay / Հայ | Рус | Eng | Tür
USD 483.42, EUR 568.89, RUB 6.57, GBP 664.12
+19 °C, +19 °C ... +35 °C Վաղը`+36 °C
«Բոլորը վախեցնում են, թե պատերազմ կսկսվի. թո՛ղ սկսվի, կտեսնենք». Յուրի Խաչատուրով
12:15, 13.06.2021
7250 | 0

«Ինչու եմ ես հիմա այստեղ կանգնած, որովհետև շատ ծանր վիրավորանքներ են հասցնում մեր բանակին, ասում են՝ բանակին կոտրել են, թալանել են»,- այսօր՝ Նոյեմբերյան քաղաքում «Հայաստան» դաշինքի քարոզարշավի ժամանակ ասաց ՀՀ ԶՈՒ ԳՇ նախկին պետ Յուրի Խաչատուրովը:

Նա դրվագներ պատմեց Արցախյան առաջին պատերազմից՝ նշելով, որ թեպետ սակավաթիվ են եղել և զրահատեխնիկայի պակաս են ունեցել, բայց հաղթել են թշնամուն:

«Հիմա, չգիտես ինչու, բոլորը վախեցնում են, թե պատերազմ կսկսվի, պատերազմ կսկսվի. դե թո՛ղ սկսվի: Նախ այն չի սկսվի, երկրորդ, եթե անգամ սկսվի էլ, թող սկսվի. կտեսնենք...: Ոչ ոք պատերազմ չի ուզում, ամենից շատ մենք չենք ուզում...: Մենք հիմա բոլորս պետք է տղամարդկություն հավաքենք և ինքներս մեզ ասենք՝ մենք ոչ ոքի առաջ ծնկի չենք գա, ոչ ոքից ներողություն չենք խնդրի: Մենք ամեն օր ավելի ուժեղ ենք լինելու, և պատվով ենք ապրելու այս աշխարհում»,- ասաց Խաչատուրովը:

Կիսվի՛ր այս նյութով՝
| |
դեպի վեր