Ֆրանսիայի նախագահ Էմանուել Մակրոնը հայտնել է, որ Բրյուսելում ՆԱՏՕ-ի գագաթնաժողովից առաջ երկար զրույց է ունեցել Թուրքիայի նախագահ Ռեջեփ Թայիփ Էրդողանի հետ: «ՆԱՏՕ-ի գագաթնաժողովից առաջ ես երկար զրույց եմ ունեցել նախագահ Էրդողանի հետ։ Առաջ շարժվել՝ պարզությամբ, հարգանքով և պահանջներով»,- գրել է Մակրոնը` Twitter-ի իր էջում։ Ավելի վաղ Ֆրանսիայի նախագահը հայտարարել էր, որ իր թուրք գործընկերոջ հետ հանդիպման ժամանակ ցանկանում է քննարկել ՆԱՏՕ-ում դաշնակիցների վարքագծի կանոնները, ինչպես նաև Սիրիայում, Լիբիայում և Լեռնային Ղարաբաղում տիրող իրավիճակը:
|