«Աջակցություն վիրավոր զինվորներին» ՀԿ նախագահ Հայկուհի Մինասյանը ֆեյսբուքյան իր էջում գրել է. «Զինվորի Տունը կբացի նոր բաժանմունք՝ գանգուղեղային ծանր վնասվածով տղաների վերականգնողական բուժումը կազմակերպելու համար: Օրեր առաջ ծրագիրը կյանքի կոչելու համար Հայաստան են ժամանել Family Rescue Fund-FRF հիմնադրամի ղեկավար Նազ Աթիկյան-Բաշկիջյանը և հիմնադրամի խորհրդի անդամները։ Մասնաճյուղը կբացվի Միքայելյան վիրաբուժության ինստիտուտում, որտեղ առկա են տղաների առողջության պահպանման համար անհրաժեշտ բոլոր նեղ մասնագիտական բաժանմունքները»։ |