«Ապակառուցողական հատարարություններ ենք լսում Ադրբեջանի և Թուրքիայի կողմից: Իրականում ոչ մի բան տեղի չի ունեցել: Թուրքական քաղաքականությունը Հայաստանի նկատմամբ վերջին 150 տարում փոփոխություն չի կրել: Նրանց քաղաքականությունը շարունակում է մնալ ագրեսիվ և ցեղասպան քաղաքականություն»,- Կապանում իր ելույթի ժամանակ ասաց ՔՊ վարչապետի թեկնածու, ՀՀ վարչապետի պաշտոնակատար Նիկոլ Փաշինյանը: Նա անդրադարձավ ԱՄՆ-ի կողմից Հայոց ցեղասպանության ճանաչմանը՝ շեշտելով, որ դա Միացյալ Նահանգների ուղիղ պատասխանն էր 44-օրյա պատերազմին, քանի որ այդ պատերազմում Հայաստանը կռվում էր ոչ միայն Ադրբեջանի, այլև Թուրքիայի ու Պակիստանի դեմ: Մենք Ադրբեջանից հնչող ագրեսիվ քաղաքականությանը պետք է հակադրենք միջազգային զսպման գործիքները՝ իհարկե, այդ ընթացքում լրջորեն բարեփոխելով մեր զինված ուժերը, լրջորեն խորացնելով մեր ռազմավարական հարաբերությունները Ռուսաստանի Դաշնության հետ և շարունակելով ռազմավարական երկխոսությունը ԱՄՆ-ի հետ և ԵԱՀԿ Մինսկի խմբի համանախագահության ներկայությունը ապահովելով մեր տարածաշրջանի անվտանգային հարցերին»: |