«Վերջին 3-4 ամսում 70 հազար մարդ ա հեռացել Հայաստանից՝ պաշտոնական տվյալով: Արտագաղթն ահավոր չափերի ա հասել: Հասկանո՞ւմ եք՝ ինչ ա կատարվում: Դատարկվում ա էս երկիրը: Եթե ընտրություններն էլ խայտառակ լինեն և հետընտրական պրոցեսներ էլ տեղի ունենան, կոշտ հակամարտություններ, մարդ չի մնալու էս երկրում»,- Հանրայինի եթերում մտահոգություն հայտնեց ՀԱԿ առաջնորդ Լևոն Տեր-Պետրոսյանը: Հաղորդավարի դիտարկմանը՝ հուսանք՝ կգիտակցեն հակամարտող ուժերը, թե ինչ է դրած սեղանին, Տեր-Պետրոսյանը հակադարձեց. «Որ հասկանային, էս վիճակին չէինք հասնի: Նիկո՛լ, Ռոբե՛րտ, Սե՛րժ, գիտակցե՛ք էս հեռանկարը»: Առաջարկին՝ գուցե համատեղ բանավեճի ժամանակ հասկացնե՞ք այդ բանը, Լևոն Տեր-Պետրոսյանը արձագանքեց՝ այդ մասին հետո կպատասխանեմ: |