+26 °C, +15 °C ... +26 °C Վաղը`+26 °C
Հյուսիսատլանտյան դաշինքի (ՆԱՏՕ) գլխավոր քարտուղար Յենս Սթոլթենբերգը հայտարարել է ՌԴ նախագահ Վլադիմիր Պուտինի և ԱՄՆ նախագահ Ջո Բայդենի՝ Ժնևում կայանալիք հանդիպման կարևորության մասին, քանի որ դաշինքի անդամ երկրների համար Ռուսաստանի հետ հարաբերությունները գերակա հարց են: «Ես կարևոր եմ համարում, որ 2 նախագահները հանդիպում կանցկացնեն։ Կարևոր է նաև այն փաստը, որ մեր բոլոր դաշնակիցները ողջունել են, որ նախագահ Բայդենը նախագահ Պուտինի հետ հանդիպման նախաշեմին խորհրդակցել է ՆԱՏՕ-ի բոլոր առաջնորդների հետ, քանի որ դաշինքը հավաքական անվտանգության հարցերի շուրջ համակարգման հարթակ է: Եվ, իհարկե, Ռուսաստանի հետ հարաբերությունները բոլորիս համար առաջնային կարևորություն ունեն»,- ասել է նա CNN հեռուստաալիքին տված հարցազրույցում։ «Մենք պետք է ուժեղ լինենք՝ պատրաստ զսպման, պաշտպանության, և միևնույն ժամանակ մեզ անհրաժեշտ է երկխոսություն ՌԴ-ի հետ։ Ռուսաստանը մեր հարևանն է, մենք պետք է խոսենք նրա հետ, նույնիսկ եթե չենք հավատում մոտ ապագայում հարաբերությունների բարելավմանը»,- հավելել է ՆԱՏՕ-ի գլխավոր քարտուղարը։ Հիշեցնենք՝ Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի բանակցությունները տեղի կունենան Ժնևի Լա Գրանժ վիլայում՝ նեղ և ընդլայնված կազմով: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am