ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
«Կարծում եմ՝ գագաթնաժողովից շահել է Ռուսաստանը»․ Թրամփ
10:45, 17.06.2021 | mamul.am
6819 | 0

ԱՄՆ նախկին նախագահ Դոնալդ Թրամփը հայտարարել է, որ Վաշինգթոնը Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի հանդիպումից ոչինչ չի ստացել, իսկ Մոսկվայի համար հանդիպումը լավ է անցել:

«Բեմ ենք տրամադրել Ռուսաստանին և փոխարենը ոչինչ չենք ստացել»,- ասել է նա՝ Fox News-ին տված հարցազրույցում:

Թրամփը հավելել է, որ ԱՄՆ-ը չի կարողացել կանգնեցնել «Հյուսիսային հոսք-2»-ը, ինչը կարևոր էր անել:

Նախկին նախագահի կարծիքով՝ գագաթնաժողովից շահել է Ռուսաստանը։ «Ես կարծում եմ, որ դա լավ օր էր Ռուսաստանի համար»:

Թրամփը նաև հայտարարել է, որ ռուս-ամերիկյան հարաբերությունները կարող էին «անհավանական» լինել։

«Նրանց տնտեսություն է պետք, իսկ մեզ պետք են բաներ, որոնք նրանք ունեն։ Նրանք շատ արժեքավոր երկիր են հանքային ռեսուրսների տեսանկյունից»,- նշել է նա։

Կիսվի՛ր այս նյութով՝
դեպի վեր