«Պատիվ ունեմ» դաշինքի նեկայացուցիչ Սոս Հակոբյանն այսօր հրավիրված հրատապ ասուլիսի ժամանակ հայտարարեց, որ իրենց դաշինքի քվեաթերթիկի վրա միտումնավոր չնախատեսված նշումներ են արվել՝ քվեարկությունից հետո անվավեր ճանաչելու նպատակով: «Մի շարք տեղամասերում մեր դաշինքի քվեաթերթիկների վրա կան կապույտ գույնի նշումներ, ինչ-որ տեխնիկական խոտաններ են՝ ներքին տեսքով: Որոշ ընտրական տեղամասերում դրանց թիվը հասնում է մինչև 300-ի»,- ասաց Հակոբյանը՝ հավելելով, որ այս հանգամանքի վրա իրենք հրավիրում են ԿԸՀ-ի ուշադրությունը: |