Չնայած հասարակության բևեռացմանն ու կարճ ժամկետներին, ինչպես նաև տեխնիկական թերություններին, Հայաստանում ընտրությունները ժողովրդավարական էին, դրանք կկարողանան նպաստել փոխզիջման որոնմանը, հայտարարել է ԵԽԽՎ պատվիրակության ղեկավար Ջորջ Կաթրուգալոսը: Նա նշել է, որ որոշ թերություններ ընտրությունների ժամանակ տեխնիկական բնույթ են կրել։ «Սահմանափակ կարողություններով մարդկանց համար բավարար չափով ապահովված չէր քվեարկության հնարավորությունը»,- կարծում են ԵԽԽՎ-ում: Մասնավորապես, տանը գտնվող հաշմանդամություն ունեցողների համար քվեարկություն չի կազմակերպվել, իսկ որոշ տեղամասերում սայլակով այցելելու հնարավորություն չի եղել։ |