+11 °C, +11 °C ... +27 °C Վաղը`+28 °C
Հանրապետության հրապարակում ընթանում է ՔՊ-ի հրավիրած հետընտրական հանրահավաքը: Իր ելույթի ժամանակ ՀՀ վարչապետի պաշտոնակատար Նիկոլ Փաշինյանն անդրադարձավ քարոզարշավի ընթացքում բազմիցս հնչած կոշտ հռետորաբանությանը: «Մենք հեղափոխությունից հետո արդեն 2-րդ անգամ իրականացրել ենք այնպիսի խորհրդարանական ընտրություններ, որ միջազգային և տեղացի բոլոր դիտորդների գնահատմամբ համապատասխանել են ժողովրդավարության չափանիշներին և եղել են լիովին օրինական: Դիտորդները, այնուամենայնիվ, մի հանգամանք նշել են, և մենք դա բոլորս գիտենք: Այո, այս ընտրությունների քարոզչության ընթացքում կիրառվել է որոշակի ագրեսիվ հռետորաբանություն: Հիմա չեմ ուզում քննենք՝ ով սկսեց, ով շարունակեց: Հիմա ուզում եմ կոչով դիմել քաղաքական գործընթացի բոլոր մասնակիցներին: Հայաստանի ժողովուրդը կայացրել է իր որոշումը, ստեղծել է նոր իրավիճակ, որի առաջին հանգրվանը հետևյան է: Ես առաջարկում եմ սկսել մի պարզ կետից՝ վերջ դնել հայհոյախոսությանը: Ես առաջին հերթին մեր քաղաքական համախոհներին եմ կոչ անում, որ մենք վերջ դնենք հայհոյախոսությանը, որովհետև ՀՀ և Արցախի պատմության մեջ նոր էջ է բացվում, որը մենք պետք է սկսենք ազգային և հանրային ներուժի համախմբմամբ: Ես առաջինը ինքս եմ ստանձնում այդ պարտավորվածությունը»,- հայտարարեց Փաշինյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am