«Եթե մեր թիմը, ի վերջո, որոշում կայացնի, որ գնում է խորհրդարան, այսինքն՝ վերցնում է մանդատները, ես միանշանակ թիմին մենակ չեմ թողնի, կգնամ խորհրդարան ու կշարունակենք մեր պայքարը». այսօր հրավիրած մամուլի ասուլիսի ժամանակ, ասել է «Պատիվ ունեմ» դաշինքի առաջին համար Արթուր Վանեցյանը։

«Բոլոր այն խնդիրները, որոնք արձանագրվել են մեր թիմի կողմից, դրանց բոլորի հետ կապված կտրվի ընթացք, դա կլինի թե՛ վերահաշվարկ, թե՛ կլինի այլ քաղաքական ուժերի հետ կոնսուլտացիաներ իրականացնելով ՍԴ դիմելու պրոցես։ Մենք ամբողջ գործիքակազմը օգտագործելու ենք»,- ասաց Վանեցյանը։