ՄԱՄՈՒԼ.ամ
10
Hay / Հայ | Рус | Eng | Tür
USD 482.52, EUR 569.28, RUB 6.52, GBP 665.64
+32 °C, +21 °C ... +36 °C Վաղը`+32 °C
«Փորձում են ՔՊ-ի «գրպանը» ընտրությունների գիշերը կազմակերպված հրավառություն գցել»․ Վ․ Ալեքսանյան
12:25, 24.06.2021
2178 | 0

ՔՊ-ական Վահագն Ալեքսանյանը ֆեյսբուքյան իր էջում գրել է. «Որոշ շրջանակներ շարունակ փորձում են ՔՊ-ի «գրպանը» ընտրությունների գիշերը կազմակերպած հրավառություն գցել։

Մի քանի անգամ արդեն հայտարարել ենք, որ ՔՊ-ն ՈՉ ՄԻ հրավառություն ընտրությունների գիշերը չի արել, բայց հիմա ավելի մանրամասն կանդրադառնամ Երևանում իրականացված երկու հրավառության։
Երկու հրավառություն է եղել Հանրապետության (նախկին Ալավերդյան) փողոցում, իրարից որոշակի ժամանակային ինտերվալի տարբերությամբ։
Այդ փողոցի վրա եղել է երկու ընտրատեղամաս՝ 71 և 114 դպրոցներում։ Երկու տեղամասում էլ հաղթել է «Հայաստան» դաշինքը՝ 221-463 և 289- 462 ձայների հարաբերակցությամբ։
Այս թեմային չեմ հոգնի անդրադառնալ այնքան, մինչև ոչ մի մութ կետ չմնա։ Ես ու իմ բազմաթիվ թիմակիցներ դատապարտել ենք Ապրիլյանի տարելիցին ՀՀԿ-ի կողմից կազմակերպված հրավառությունը, նույնը անել կամ թույլ տալ մենք չէինք կարող»։

Կիսվի՛ր այս նյութով՝
| |
դեպի վեր