ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+14 °C, +5 °C ... +15 °C Վաղը`+20 °C
«Կոչ եմ անում համայնքապետերին՝ տեղի չտալ մարզպետների հակաօրինական պահանջներին». Խոսրով Հարությունյան
12:30, 25.06.2021 | mamul.am
2951 | 7

ՀՀ նախկին վարչապետ Խոսրով Հարությունյանի գրառումը. «Կոչ՝ ի պաշտպանություն տեղական իշխանության մարմինների

Հետընտրական այս օրերին տարբեր մարզերից ստացվում է տեղեկատվություն այն մասին, որ մարզպետները, օգտագործելով իրենց վարչական լծակները, ՔՊ-ին ոչ լոյալ համայնքապետերին ստիպում են հրաժարական տալ: Արդեն արձանագրված է «անհնազանդ» գյուղապետի հանդեպ բիրտ ուժի կիրառմնան դեպք:
Այն, որ նման վարվելակերպը նրանց հրահանգավորվել է ամենաբարձրից՝ որևէ կասկած չի հարուցում: Այն, որ մենք ականատես ենք քաղաքական օպոնենտների նկատմամբ քաղաքական հետապնդումներին՝ առավել քան ակնհայտ է:
Սա գործնականում նախընտրական «քաղաքական մուրճի» կիրառումն է և պետք է ենթադրել հանրային համերաշխության ու քաղաքական ուժերի հետ համագործակցության վերաբերյալ հռչակած թեզի իշխանության պատկերացումը:
Իրականում սա ուղղակի ինքնիրավչություն է և կարող է որակվել, որպես երկրում իրավական վակխանալիայի մի նոր փուլի սկիզբ:
Մինչդեռ օրվա իշխանությունները պետք է իմանան, որ տեղական ինքնակառավարման մարմինները՝ համայնքի ղեկավարն ու ավագանին, համաձայն մեր Սահմանադրության իշխանության, լիարժեք մարմիններ են և չեն գտնվում ոչ Կառավարության, ոչ էլ պետական որևէ այլ մարմնի ուղղղակի վարչական կամ քաղաքական ենթակայության տակ: Նրանք ինքնուրույն են և պատասխանատու են միայն օրենքի և իրենց ընտրողների առջև: Ոչ մի պաշտոնյա, ընդհուպ մինչև վարչապետը, իրավասու չէ քաղաքական կամ վարչարարական պարտադրանք գործադրել համայնքի ընտրովի ղեկավարի հանդեպ, իսկ քաղաքական դրդապատճառներով՝ առավել ևս: Կրկնում եմ, սա ուղղակիորեն բխում է մեր Սահմանադրության պահանջներից:
Ես, որպես քաղաքական գործիչ, որը կանգնած է եղել մեր երկրում տեղական ինքնակառավարման համակարգի ձևավորման ակունքներում և խորապես համոզված է, որ այդ համակարգը հանդիսանում է մեզանում ժողովրդավարական ավանդույթների ձևավորման գլխավոր նախապայմանը, հայտարարում եմ իմ համերաշխությունը համայնքների բոլոր ղեկավարներին՝ անկախ նրանց քաղաքական պատկանելիությունից:
Ես հայտարարում եմ, որ համայնքային իշխանության մարմինների նկատմամբ այս ոտնձգություններն ուղղակիորեն հակասում են Տեղական Ինքնակառավարման Եվրոպական Խարտիայի և ՀՀ Սահմանադրության պահանջներին:
Ես կոչ եմ անում բոլոր համայնքապետերին առաջնորդվել բացառապես օրենքի պահանջներով, տեղի չտալ մարզպետների հակաօրինական պահանջներին:
Ես կոչ եմ անում Տարածքային կառավարման նախարարի պաշտոնակատար Սուրեն Պապիկյանին անհապաղ և հրապարակավ կանխել մարզպետների անօրինականությունները և այդպիսիք թույլ տված պաշտոնյաներին ենթարկել պատասխանատվության:
Ես կոչ եմ անում Համայնքների Միության նախագահին անմիջապես արձագանքել այս իրողություններին և հանդես գալ ի պաշտպանություն համայնքային իշխանությունների, այս խնդրին հրավիրել Եվրոպայի Խորհրդի Տեղական Ինքնակառավարման Կոնգրեսի ղեկավարության ուշադրությունը»:

Կիսվի՛ր այս նյութով՝
դեպի վեր