Թուրքիայի ոստիկանությունն արցունքաբեր գազ է կիրառել՝ Ստամբուլի կենտրոնում գեյ-շքերթին մասնակցելու համար հավաքվածներին ցրելու նպատակով, հաղորդում է Reuters-ը: Մոտ 20 մարդ՝ այդ թվում ֆոտոլրագրողը, ձերբակալվել են։ Վերջին տարիների ընթացքում Թուրքիայի իշխանությունները բազմիցս արգելել են շքերթների անցկացումը։ Մինչ այդ հազարավոր մարդիկ մասնակցել են շքերթին։ Այս տարի այն արգելվել է կորոնավիրուսի պատճառով։ Թուրքիան վաղուց Եվրոմիությանն անդամակցելու թեկնածու է, սակայն անդամակցության գործընթացը տարիներ շարունակ հետաձգվում է տարբեր հարցերի, այդ թվում՝ մարդու իրավունքների շուրջ լարվածության ֆոնին։ |