ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+5 °C, +5 °C ... +16 °C Վաղը`+19 °C
#Facebook-ի կապիտալացումն առաջին անգամ գերազանցել է 1 տրիլիոն դոլարը
23:30, 29.06.2021 | mamul.am
6674 | 0

Ամերիկյան Facebook ընկերության շուկայական կապիտալացումը հունիսի 28-ին Նյու Յորքում կայացած սակարկությունների ընթացքում առաջին անգամ գերազանցել է 1 տրիլիոն դոլարը: Այս մասին հայտնում է Reuters-ը։
Նախօրեին ընկերության բաժնետոմսերի կտրուկ աճ է գրանցվել։ Դրանք թանկացել են ավելի քան 4%-ով՝ հասնելով մինչև 355,64 դոլարի: Բաժնետոմսերի արժեքի կտրուկ աճը վերջին օրերին մի շարք հակամենաշնորհային դատական գործընթացներում Facebook-ի հաղթանակի արդյունքն է:
Հայցերն ուղղված էին նրան, որ Facebook-ը վաճառի Instagram-ն ու WhatsApp-ը։ Անցյալ տարի հայցեր են ներկայացրել Առևտրի դաշնային հանձնաժողովն (FTC) ու մի քանի նահանգների իշխանությունները:
Ինչպես նշել է դատավոր Ջեյմս Բոասբերգը, FTC-ը չի կարողացել ապացուցել, որ Facebook-ը մենաշնորհ ունի սոցիալական ցանցերի շուկայում: Նրա խոսքով՝ հանձնաժողովը կարող է նոր բողոք ներկայացնել մինչև հուլիսի 29-ը։

Կիսվի՛ր այս նյութով՝
դեպի վեր