Նիգերիայի Ֆարու քաղաքում զինված անձինք առնվազն 45 խաղաղ բնակչի են սպանել. 11 մարդ վիրավոր է: Ականատեսների ու հիվանդանոցի աշխատակիցների խոսքով՝ հարձակումներն ու փրկագին պահանջելու նպատակով զանգվածային առևանգումները սովորական են դարձել երկրի հյուսիս-արևմտյան շրջաններում, փոխանցում է Reuters-ը: «Զինված ավազակները, տասնյակ մոտոցիկլետներով, ներխուժել են քաղաք, կրակ բացել մարդկանց վրա»,- հայտնել է տեղի բնակիչներից մեկը՝ հավելելով, որ սպանվել է առնվազն 45 բնակիչ:

Հիշեցնենք՝ մայիսի սկզբին հաղորդվել էր, որ Նիգերիայում զինյալները շուրջ 200 դպրոցականների են առևանգել: