Nokia ընկերությունը պաշտպանված պատյանով սմարթֆոն կցուցադրի: Այս մասին ակնարկ է արվել արտադրողի Twitter-յան պաշտոնական էջում։
«Մեր նորագույն Nokia հեռախոսի դեպքում ձեզ այլևս երբեք պատյան հարկավոր չի լինի»,- ասվում է պաշտպանված սմարթֆոնի մասին՝ ընկերության հաղորդագրության մեջ։ Այն դեռ չի հայտնվել Nokia HMD Global-ի շարքում:
Նախնական տեղեկություններով՝ սմարթֆոնը կստանա Nokia XR20 անվանումն ու կտարբերվի նոր դիզայնով, որը դեռևս չի կիրառվել արտադրողի կողմից: Սարքը կկառուցվի Snapdragon 480 պրոցեսորի վրա և հագեցած կլինի 4 ԳԲ օպերատիվ հիշողությամբ։
Հեռախոսը կցուցադրվի հուլիսի վերջին: Սմարթֆոնի արժեքի և վաճառքի մեկնարկի ժամկետների մասին չի հաղորդվում: