Չինաստանի Հենան նահանգում ջրհեղեղ առաջացրած հորդառատ անձրևների հետևանքով մահացածների թիվը հասել է 33-ի, ևս 8 մարդ համարվում է անհետ կորած, ասված է արտակարգ իրավիճակների տեղական դեպարտամենտի հայտարարության մեջ: Ավելի վաղ հաղորդվել էր 25 զոհի մասին: Աղետի գոտում ավելի քան 3 միլիոն մարդ է գտնվում, վտանգավոր շրջաններից շտապ տարհանել են 375 հազար բնակչի: Տնտեսական վնասը գնահատվում է 1,22 միլիարդ յուան: Հիշեցնենք՝ Չինաստանի Հենան նահանգում հորդառատ անձրևները սկսվել են հուլիսի 17-ին։ Ամենաշատը տուժել է Չժանչժոու քաղաքը։ |