Խոսքի ազատության պաշտպանության կոմիտեի ղեկավար Աշոտ Մելիքյանն ասուլիսի ժամանակ հայտնեց, որ այս տարվա երկրորդ եռամսյակում շեշտակի աճել է դատական հայցերի քանակը՝ ընդդեմ լրագրողների և լրատվամիջոցների: «Եթե առաջին եռամսյակում եղել է 10 հայց, ապա երկրորդ եռամսյակում դրանք13-ն են»,- ասել է նա: Մելիքյանը հայտնել է, որ լրատվամիջոցների նկատմամբ դատական հայցերը հիմնականում ներկայացրել են քաղաքական գործիչները. «Այս 23 հայցերից 12-ը ներկայացրել է գործարար, հիմա արդեն ՔՊ ցուցակով պատգամավոր դարձած Խաչատուր Սուքիասյանը. բոլոր հայցերը վիրավորանքի և զրպարտության հիմքով են»,- նշել է բանախոսը: |