ՄԱՄՈՒԼ.ամ
Hay / Հայ | Рус | Eng | Tür
USD 484.93, EUR 571.39, RUB 6.68, GBP 668.43
+15 °C, +14 °C ... +27 °C Վաղը`+29 °C
«Ինչպես Նժդեհն ունեցավ մեկի փոխարեն երեք գերեզման». Խաժակ Սիրեկանյան
01:12, 25.07.2021
4849 | 1

Պատմական նյութերի ուսումնասիրող Խաժակ Սիրեկանյանը ֆեյսբուքյան իր էջում լուսանկար է հրապարակել ու գրել. «1983-ի օգոստոսին Գարեգին Նժդեհի աճյունը Վլադիմիրի կենտրոնական բանտի գերեզմանոցից գաղտնի տեղափոխվեց Հայաստան` Բաղաբուրդ գյուղ և պահեցին ծանոթներից մեկի նկուղում:

Գարեգին Նժդեհի գերեզմանը Վլադիմիրի կենտրոնական բանտի գերեզմանոցում
Գարեգին Նժդեհի գերեզմանը Վլադիմիրի կենտրոնական բանտի գերեզմանոցում

Այդ կարևոր ու այն ժամանակներում խիստ վտանգավոր գործը հանձն առավ ու իրականացրեց Նժդեհի թոռնուհու ամուսինը՝ բանասեր, թարգմանիչ, Գևորգյան հոգևոր ճեմարանի նախկին դասախոս Պավել Անանյանը:
Միայն մեկ ողը թաղեցին Խուստուփ լեռան լանջին գտնվող Կոզնի կոչված աղբյուրի մոտ:
Գարեգին Նժդեհի գերեզմանը Խուստուփ լեռան լանջին
Այնուհետև 1987-ի մայիսի 8-ին, Ռաֆայել Համբարձումյանի նախաձեռնությամբ, Նժդեհի աճյունը տեղափոխվեց ու թաղվեց Վերիշեն գյուղի մոտ գտնվող ս. Աստվածածին վանական համալիրի տարածքում, որը նաև կոչվում է Սպիտակավոր եկեղեցի։
Գարեգին Նժդեհի գերեզմանը Վերիշեն գյուղի մոտ գտնվող ս. Աստվածածին վանական համալիրի տարածքում,

1989-ի հունիսի 17-ին Պարույր Հայրիկյանի, Մովսես Գորգիսյանի և ուրիշների նախաձեռնությամբ տեղադրվեց գերեզմանաքար-խաչքար, և այդ օրը դարձավ նժդեհյան օր։
Երբ Կապանում կառուցվեց Գարեգին Նժդեհի համալիրը, Սերժ Մկրտչյանի նախաձեռնությամբ Սպիտակավորից վերցվեց Նժդեհի աջն ու թաղվեց Կապանի համալիրում։ Այսպիսով, Նժդեհն ունեցավ մեկի փոխարեն երեք գերեզման՝ Սպիտակավոր, Խուստուփ, Կապան։

Կիսվի՛ր այս նյութով՝
| |
դեպի վեր