ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +5 °C ... +16 °C Վաղը`+20 °C
Զինված ավազակային հարձակում՝ Երևանում
00:00, 27.07.2021 | mamul.am
8162 | 0

Ոստիկանության կենտրոնական բաժնում ՀՀ քրեական օրենսգրքի 275 հոդվածի 2-րդ մասի 1-ին և 4-րդ կետերի հատկանիշներով հարուցվել է քրեական գործ: Ինչպես հայտնում է ֆոտոլրագրող Գագիկ Շամշյանը, նշված քրգործը հարուցվել է հուլիսի 24-ին՝ ոստիկանության կենտրոնական բաժնում ստացված օպերատիվ տվյալների փաստով:

Այդ օրը ոստիկանության կենտրոնական բաժնի քրեական հետախուզության բաժանմունքում օպերատիվ տեղեկություններ էին ստացվել, որ Քաջազնունու փողոցի շենքերից մեկի բնակիչ, 25-ամյա Արթուր Գ.-ի նկատմամբ զինված ավազակային հարձակում է տեղի ունեցել և նրանից դանակի սպառնալիքի տակ հափշտակել են գումար:

Նույն օրը ոստիկանության Երևան քաղաքի վարչության քրեական հետախուզության բաժնի 4-րդ բաժանմունքի և ոստիկանության կենտրոնական բաժնի քրեական հետախուզության բաժանմունքի ծառայողները նշված ավազակային հարձակում կատարելու կասկածանքով հանցանքի վայրից ոչ շատ հեռու գտնվող տարածքից ոստիկանության կենտրոնական բաժին են բերման ենթարկել Երևանի բնակիչներ, 22-ամյա Գեորգի Ս.-ին և 19-ամյա Հովհաննես Դ.-ին:

Անձնական խուզարկությամբ նրանցից մեկի մոտ հայտնաբերվել է հանցագործության գործիք դանակն ու հափշտակված գումարը:

Կիսվի՛ր այս նյութով՝
դեպի վեր