Հարավային Կորեայի և ԿԺԴՀ-ի միջև 2020 թվականից խզված կապերը վերականգնվել են, հաղորդել է Կորեայի Հանրապետության նախագահի վարչակազմը: «Հարավային և Հյուսիսային Կորեաները հուլիսի 27-ին՝ ժամը 10:00-ին (Երևանի ժամանակով ժամը 05:00-ին), որոշում են կայացրել վերականգնել այս ամբողջ ընթացքում կապի խզված ուղիները և կատարել են առաջին զանգը։ Հուսով ենք, որ կապի ուղիների վերականգնումը դրականորեն կանդրադառնա միջկորեական հարաբերությունների զարգացման ու վերականգնման վրա»,- նշել են աշխատակազմում։ Նշվում է, որ պայմանավորվածությունը ձեռք է բերվել 2 երկրների առաջնորդների ուղերձների փոխանակումից հետո: |