ԱՄՆ-ը մինչև 2021 թվականի դեկտեմբերի 31-ը կդադարեցնի մասնակցությունն Իրաքում ռազմական գործողություններին, թեև կշարունակի աջակցել իրաքյան անվտանգության ուժերին, ասված է 2 երկրների համատեղ հայտարարության մեջ: «Վերջին բանակցությունների արդյունքում, պատվիրակությունները որոշել են հարաբերություններն ամբողջությամբ տեղափոխել վարժանքների, խորհրդատվությունների, օգնության և հետախուզության ոլորտ»,- ասված է պետքարտուղար Էնթոնի Բլինկենի և Իրաքի ԱԳ նախարար Ֆուադ Հուսեյնի հայտարարության մեջ: «ԱՄՆ-ը մտադիր է շարունակել աջակցությունն Իրաքի անվտանգության ուժերին, որպեսզի օգնի նրանց պայքարել ապագա սպառնալիքների դեմ»,- ասված է հայտարարության մեջ: Հայտարարությունը որևէ հիշատակում չի պարունակում երկրի տարածքից ամերիկյան զորքերի դուրսբերման մասին։ Այնտեղ գտնվում է ԱՄՆ-ի շուրջ 2,5 հազար զինծառայող: |