+23 °C, +14 °C ... +25 °C Վաղը`+25 °C
ԱԺԲ խորհրդի անդամ Ժիրայր Սեֆիլյանը ֆեյսբուքյան իր էջում գրել է. «Սոթքի հատվածում թշնամու հարձակումը ռուս-թուրքական համատեղ հակաքայլն է այդտեղ ԱՄՆ դեսպանի այցելության դեմ։ Վստահաբար, նրանք կստանան ԱՄՆ-ի պատասխանը, իսկ ոչ հեռու ապագայում կոլեկտիվ Արևմուտքը նրանց դուրս կմղի տարածաշրջանից։ Սակայն մենք չենք կարող ձեռքներս ծալած նստել և արձանագրել, թե ինչպես ենք այդ ամբողջ ընթացքում շարունակաբար կորցնում մարդկային կյանքեր, ինչպես նաև կարևոր տարածքներ։ Հատկապես 44-օրյա պատերազմի ծանր կորուստներից հետո պարտավոր ենք անգամ անհնարինն անել յուրաքանչյուր զինվորի կյանքը խնայելու համար։ Ժամանակ չկա։ Մենք պետք է գործենք։ Մշտապես ասել ենք և հիմա էլ վերահաստատում ենք, որ Բևեռն ունի այս աղետալի վիճակից դուրս գալու ծրագիր և այն իրագործելու կամք ու կարողություն։ Ստեղծված իրավիճակում, երբ մեծամասնությունը երկրի գաղութացվածության պատճառով մոլորված է ու քաղաքականապես անգիտակից, պետության և ազգի ճակատագրի ամբողջ պատասխանատվությունն ընկնում է գիտակից փոքրամասնության ուսերին։ Ցավոք սրտի, գիտակից շերտը դեռևս պասիվ է ու անմիաբան, ինչի պատճառով մղձավանջը շարունակվում է ու ահագնանում։ Ով գիտակցում է, նա պարտավորված է։ Ուստի դիմում եմ գիտակից հատվածին` հայաստանաբնակ թե արտերկրաբնակ և կոչ եմ անում վերջապես պատասխանատվություն ստանձնել ու համախմբվել Բևեռի շուրջ` օր առաջ արյունը կանգնեցնելու և երկիրը մղձավանջից դուրս բերելու համար»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am