Յուրաքանչյուր կողմ պետք է պահի Զանգեզուրի միջանցքի բացման վերաբերյալ իր խոսքը։ Այս մասին հայտարարել է Թուրքիայի խորհրդարանի նախագահ Մուստաֆա Շենթոփը, փոխանցում է ադրբեջանական լրատվամիջոցը։ Նա ընդգծել է, որ Զանգեզուրի միջանցքի բացումը կարևոր է ինչպես Ադրբեջանի, այնպես էլ Թուրքիայի համար։ «Զանգեզուրի միջանցքով Ադրբեջանի հիմնական մասը կկապվի Նախիջևանի և Թուրքիայի հետ։ Բացի այդ, Թուրքիայի և ասիական երկրների միջև տրանսպորտային միջանցք կստեղծվի։ Համապատասխան պայմանավորվածություն է ձեռք բերվել, և յուրաքանչյուր կողմ պետք է պահի իր խոսքը։ Միջանցքը պետք է բացվի»,- ասել է Շենթոփը։ |