+22 °C, +14 °C ... +27 °C Վաղը`+28 °C
ԵԽԽՎ-ում «Հայաստանի և Ադրբեջանի միջև հակամարտության հումանիտար հետևանքների» հարցով զեկուցող Փոլ Գավանը երկու երկրների ղեկավարներին կոչ է արել հարգել հրադադարի ռեժիմը: «Ցավոք, այս տարվա մայիսից հուլիս ընկած ժամանակահատվածում միջադեպերի թվի աճ է արձանագրվել, և դրանք նոր մակարդակի են հասել՝ ցավալի վիրավորումներով և մարդկային կորուստներով, ինչը մեծ մտահոգություն է առաջացնում»,- ասել է Գավանը: «Երկու կողմն էլ կապ է հաստատել ինձ հետ, և դա ցույց է տալիս, որ նրանք ցանկանում են խուսափել իրավիճակի վատթարացումից։ Հումանիտար հիմնախնդիրները, որոնք ազդում են սահմանի երկու կողմում անհատների կյանքի վրա, չեն կարող լուծվել, եթե չդադարեցվի բռնությունը»,- հավելել է նա։ «Ուստի ես հույս ունեմ, որ երկու երկրները կհրաժարվեն հետագա ցանկացած քայլից, որը կարող է վատթարացնել իրավիճակը։ Մենք պետք է խուսափենք հակամարտության այս շարունակական շրջապտույտից»,- եզրափակել է զեկուցողը։ Գավանը մտադիր է իր զեկույցը ներկայացնել ԵԽԽՎ-ի հաջորդ լիագումար նիստում (սեպտեմբերի 27-հոկտեմբերի 1): |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am