Իրավապաշտպան Արթուր Սաքունցը ֆեյսբուքյան իր էջում գրել է․ «Անպարկեշտ արտահայտությունների կիրառմամբ որևէ մեկին ծանր վիրավորանք հասցնելու մասին օրենքը չի անցել միջազգային փորձաքննության
Պետք է քրեական օրենսգրքով որպես Հավելված սահմանվեին այն արտահայտությունների Ցանկը, որոնք օրենքի տրամաբանությամբ կդիտարկվեն կամ կորակվեն որպես անպարկեշտ։
Նման Ցանկի առկայությամբ միայն կապահովվի իրավական որոշակիության սկզբունքը և հնարավոր կլինի միանշանակ կիրառել օրենսգրքի հոդվածը, և զերծ մնալ սուբյեկտիվ մոտեցումներից։
Նախագծի հեղինակներն այս հանգամանքը հաշվի չեն առել, դրա համար մինչ փոփոխության ընդունումը պետք է փոփոխության տեքստի ու Ցանկի նախագիծը ուղարկեին Վենետիկի հանձնաժողովին՝ եզրակացություն ստանալու համար»։