ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+14 °C, +3 °C ... +14 °C Վաղը`+16 °C
Վթար Ծաղկաձորում, քվադրոցիկլի վարորդը մահացել է
10:11, 01.08.2021 | mamul.am
6734 | 0

Հուլիսի 31-ին ողբերգական դեպք է տեղի ունեցել Կոտայքի մարզում: Ժամը 21:00-ի սահմաններում Երևանի թիվ 1 Համալսարանական հիվանդանոցի վերակենդանացման բաժանմունքում, գիտակցության չգալով՝ մահացել է Երևանի բնակիչ, 28-ամյա Նարեկ Ավագյանը: Ինչպես հայտնում է ֆոտոլրագրող Գագիկ Շամշյանը, ոստիկանները պարզել են, որ ժամը 19:30-ի սահմաններում Ն. Ավագյանը Ծաղկաձոր քաղաքի Տանձաղբյուրի փողոցում՝ Կեչառիս վանական համալիրի հարևանությամբ, իր վարած քվադրոցիկլով բախվել է «Վիլլաձոր» ռեստորանային համալիրի ավտոկայանատեղիի պատին, ինչի հետևանքով էլ մարմնական վնասվածքներ է ստացել և «Հրազդան» բժշկական կենտրոնի շտապօգնության ավտոմեքենայով տեղափոխվել է թիվ 1 Համալսարանական հիվանդանոց: Ֆոտոլրագրողի տեղեկություններով՝ քվադրոցիկլը պատկանում է Երևանի բնակիչ, 56-ամյա Գեղամ Խաչատրյանին:

Կիսվի՛ր այս նյութով՝
դեպի վեր