ԱՄՆ Քալիֆորնիա նահանգի հյուսիսում ուղղաթիռի կործանման հետևանքով 4 մարդ է զոհվել։ Այս մասին հայտնել է Associated Press գործակալությունը։ Գործակալության տեղեկությունների համաձայն՝ Robinson R66 ուղղաթիռը կործանվել է ժամը 13:15-ին՝ (Երևանի ժամանակով՝ 00:15-ին) Սակրամենտո քաղաքից հյուսիս: Ինքնաթիռում 4 մարդ է եղել, բոլորը զոհվել են։ Պատահարի պատճառների և զոհվածների մասին տեղեկություններ դեռ չեն հաղորդվում: Աղետի հանգամանքների հետաքննությամբ զբաղվում են ԱՄՆ Դաշնային ավիացիոն վարչությունը և Տրանսպորտային անվտանգության հարցերով ազգային խորհուրդը: |