+20 °C, +15 °C ... +25 °C Վաղը`+26 °C
ԱԺ նիստում դիմելով ՔՊ-ական պատգամավոր, ԱԺ փոխնախագահի թեկնածու Հակոբ Արշակյանին «Պատիվ ունեմ» խմբակցության պատգամավոր Տիգրան Աբրահամյանը հարց ուղղեց. «Տեղի է ունեցել ծանր հանցագործություն. Հայաստանի Հանրապետության սուվերեն տարածքի մեծ հատվածներ փաստորեն Ադրբեջանի կողմից բռնազավթվել են, սակայն դրանից անցել է երեք ամիս՝ որևէ մեկը քաղաքական և իրավական պատասխանատվության չի ենթարկվել: Ինչպիսի՞ն է Ձեր դիրքորոշումն այս հարցում, և, առհասարակ, ինչո՞ւ է թույլ տրվել, որ Ադրբեջանը մինչև 3 կմ խորությամբ սահմանի տարբեր հատվածներում ներխուժում ապահովի»: Արձագանքելով Տ. Աբրահամյանին՝ Արշակյանը պատասխանեց. «Տպավորություն է ինձ մոտ, որ ինչքան խնդիր կա՝ դա իշխող քաղաքական ուժինն է, ինչքան հաջողության կա՝ դրա մասին չենք խոսում: Եթե որևէ տեղ, որևէ պատճառով, որոնց մասին բազմիցս խոսվել է, դիրք չի տեղադրվել կամ ուշացումով է տեղադրվել, դրանց մասին պարզաբանումներն արդեն լսել ենք և նաև գնահատական է տրվել Ադրբեջանի այս քաղաքականության վերաբերյալ: Առաջարկում եմ համագործակցենք այս հարցերի շուրջ, եթե անհրաժեշտություն էլ լինի՝ միասին գնանք, այցելենք, նայենք՝ ինչ խնդիրներ կան և հարցերին լուծում տանք»: Հիշեցնենք՝ Խորհրդարանը շարունակում է քննարկել մյուս երկու փոխնախագահների ընտրության հարցը: Նշենք, որ «Քաղաքացիական պայմանագիր» խմբակցության պատգամավոր Ռուբեն Ռուբինյանը քիչ առաջ 70 կողմ ձայնով ընտրվեց ԱԺ փոխնախագահ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am