Աֆղանստանի պաշտպանության և անվտանգության ուժերը վերջին օրվա ընթացքում ոչնչացրել են «Թալիբան» արմատական շարժման առնվազն 274 գրոհայինի, ևս 119-ը վիրավորվել են, հաղորդել է Աֆղանստանի պաշտպանության նախարարությունը: «Վերջին 24 ժամվա ընթացքում «Թալիբանի» 274 ահաբեկիչ է սպանվել, իսկ 119-ը վիրավորվել՝ Աֆղանստանի պաշտպանության և անվտանգության ազգային ուժերի գործողությունների արդյունքում»,- ասված է Պաշտպանության նախարարության Twitter-յան հաղորդագրության մեջ: Հիշեցնենք՝ Աֆղանստանում դիմակայություն է ընթանում կառավարական ուժերի և «Թալիբան» արմատական շարժման զինյալների միջև, որոնք զգալի տարածքներ են գրավել գյուղական շրջաններում և հարձակում ծավալել խոշոր քաղաքների վրա: |