Թուրքիայում իրականացրել են Aselsan և Altınay Savunma ընկերությունների մշակած առաջին բեռնատար ԱԹՍ-ների փորձարկումները, հաղորդում են թուրքական ԶԼՄ-ները: KARGO-150 ԱԹՍ-ի թռիչքի առավելագույն ժամանակը 50 րոպե է, այն ունի 150 կգ բեռնունակություն: Անօդաչու սարքը կարող է բեռ հասցնել 40 կմ հեռավորության վրա։ Դրա առավելագույն արագությունը 100 կմ/ժ է։ Անօդաչու սարքը նախատեսված է ռազմական բեռների, այդ թվում՝ սպառազինության, ինչպես նաև վառելիքաքսուքային նյութերի առաքման համար: |