Նյու Յորքի քաղաքապետ Բիլ դե Բլազիոն արտակարգ դրություն է հայտարարել: BBC-ի փոխանցմամբ, փոթորկի պատճառով առաջացած հեղեղումների հետևանքով կաթվածահար է եղել քաղաքի երթևեկությունը, փակվել են մետրոպոլիտենի կայարանները: Հիշեցնենք, որ «Իդա» փոթորիկը, որը դասակարգվել էր որպես չորրորդ աստիճանի արևադարձային փոթորիկ, օգոստոսի 29-ին հասել էր Մեքսիկական ծոցի ափ։ Քամու արագությունը գերազանցել է 250 կմ/ժ-ը։ |