Գլխավոր դատախազությունը փաստաթղթեր է ներկայացրել Սերբիայի պատկան մարմիններին՝ Հյուսիսային Մակեդոնիայի քաղաքացի Միլե Միլենկովսկիին Հայաստանին արտահանձնելու համար: Այս մասին «Լուրեր»-ին հայտնել է գլխավոր դատախազի խորհրդական Գոռ Աբրահամյանը:

Ավելի վաղ տեղեկացրել էինք, որ Սերբիայի իրավապահները, Հայաստանի պահանջով ձերբակալել են ԵԱՀԿ-ում Հյուսիսային Մակեդոնիայի առաքելության ղեկավարի տեղակալ Միլե Միլենկովսկուն: «Ըստ ՀՀ իրավապահ մարմինների, 2018-ին Հյուսիսային Մակեդոնիայի երեք դիվանագետ, Միլենկովսկու գլխավորությամբ, մասնավոր ինքնաթիռով Հայաստանից դուրս են բերել երկրի նախկին իշխանության մի ներկայացուցչի, որը մեղադրվում է խոշոր չափով գումարներ հափշտակելու մեջ»,- հայտնել էր Alsat-M հեռուստաալիքը: