«Արդեն 3 նիստ է՝ շատ ավելի կարևորվում է ոչ թե Սյունիքում, Վերին Շորժայում տիրող իրավիճակը, Տավուշում, Երասխում տեղի ունեցող իրադարձությունները, բանակի մարտունակությունը, ներքին անվտանգության համակարգը, այլ՝ իմ ֆեյսբուքյան տիրույթը և եկամուտների հայտարարագիրը»,- ԱԺ-ում հայտարարեց «Հայաստան» խմբակցության պատգամավոր Արթուր Ղազինյանը, ապա խոսքն ուղղելով ՔՊ-ական, հանձնաժողովի նախագահ Անդրանիկ Քոչարյանին՝ ասաց. «Շատ լավ ա, որ իմ ֆեյսբուքյան տիրույթում հաճախ եք գտնվում, այնտեղ ահագին ժամանակ անցկացրե՛ք, բավական օգտակար նյութեր կհայտնաբերեք ձեզ համար, նաև իրավունքի ոլորտում հետաքրքիր բաներ կան, միգուցե ավելի հետաքրքիր, որը կարող էիք լսարանում ստանալ, եթե ժամանակին ուսանողի կարգավիճակում լսարանում գտնվեիք ու սովորեիք էդ դասերը»: