ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +5 °C ... +16 °C Վաղը`+19 °C
«Դե արի ու մի ասա, տո ա՛յ «դուխով» բանսարկու». Սենոր Հասրաթյան
15:36, 18.09.2021 | mamul.am
3668 | 5

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրել է․ «Մինչ թուրքիան և ադրբեջանը հետևողականորեն առաջ են տանում իրենց պանթուրանական ծրագրերն ու դրանք իրականացնում պատմական Հայաստանի տարածքները բռնազավթելու հաշվին, ՀՀ ԱԺ պաշտպանության և անվտանգության հարցերի մշտական հանձնաժողովի նախագահի աթոռն զբաղեցնող ոմն պատահականություն (ով, ըստ «օդում կախված լուրերի», ժամանակին թալանել է աղետի գոտին) լրագրողի այն հարցին, թե ինչու է ՀՀ իշխանությունն այդքան ակտիվ ցանկանում սահմանազատման և սահմանագծման փուլ սկսել Ադրբեջանի հետ ԽՍՀՄ շրջանի քարտեզով, հեգնանքով պատասխանում է՝ «Իսկ ի՞նչ քարտեզ պետք է հայտնվեր, Տիգրան Մեծի՞...», ապա «լուրջ» դեմքով շարունակում, թե իբր Զանգեզուրում (ինչպես հարևան, բայց ոչ բարեկամ երկրի ղեկավարն է Սյունիքն անվանում) Հայաստանը խնդիր չունի, այլ, ամենայն հավանականությամբ, խնդիր ունի Իրանը...

Դե արի ու մի ասա, տո այ «դուխով» բանսարկու, դու ուր, Տիգրան Մեծի քարտեզն ուր... Ախր դու և քո նմաններն ազգի գլխին սարքելուց բացի, ձեր ողջ կյանքում երբևէ այլ բանի ընդունակ չեք եղել... Քո նմանները, իսկ ավելի շատ քո նմաններին վստահողներն այնքան անուղեղ են, որ, չհասկանալով սպասվող իրականության ողջ ողբերգությունը, կուրորեն Երկիրը տանում են այնտեղ, որտեղ ոչ միայն չենք ունենալու խաղաղություն, այլև Հայրենիք...»:

Կիսվի՛ր այս նյութով՝
դեպի վեր