+26 °C, +14 °C ... +26 °C Վաղը`+25 °C
Գորիս-Որոտան ճանապարհահատվածով երթևեկելիս մայրուղուց շեղված և Ադրբեջանի վերահսկողության տակ գտնվող տարածքում հայտնված Քասախի բնակիչները 21 տարեկան տղաներ են։ Տեղեկությունը Sputnik Արմենիայի հետ զրույցում հայտնել է Քասախի համայնքապետ Արա Մկրտչյանը։ «Երբ Ադրբեջանի վերահսկողության տակ գտնվող տարածք են մտել, տղաներից մեկն իր ընտանիքի անդամներից մեկի հետ խոսելիս է եղել։ Հեռախոսով խոսողն ասել է, «սրանք մեզ կանգնեցրին», և կապն ընդհատվել է: Դրանից հետո նրանցից որևէ լուր չունենք»,–ասել է Մկրտչյանը։ Նա հայտնել է, որ տղաներն ընկերներ են` միասին էլ ծառայել են և վերջերս են զորացրվել։ Մկրտչյանի խոսքով` շատ խելոք, լավ երիտասարդներ են և, կարծես, գնացել էին Սյունիք` համածառայակից ընկերներին տեսակցելու։ Հիշեցնենք՝ ԱԱԾ–ն այսօր հայտնել էր, որ սեպտեմբերի 18-ին, ժամը 21:00-ի սահմաններում տեղեկություններ են ստացվել, որ Կոտայքի մարզի Քասախ համայնքի 2 բնակիչներ շեղվել են ուղուց և Ադրբեջանի վերահսկողության տակ գտնվող տարածքում հայտնվել։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am