Պատմաբան-քաղաքագետ Սուրեն Սուրենյանցն իր ֆեյսբուքյան էջում գրել է․ «Հայ- թուրքական դիալոգն այլընտրանք չունի. դրան պատրա՞ստ է Հայաստանի իշխանությունը
Թուրքիայի նախագահը հայտարարում է, թե Հայաստանի վարչապետն իրեն հանդիպելու առաջարկ է արել: Ըստ Էրդողանի, առաջարկն իրեն փոխանցվել է Վրաստանի վարչապետ Իրակլի Ղարիբաշվիլիի միջոցով, ում Նիկոլ Փաշինյանը հանդիպել էր մոտ տասն օր առաջ։
Այս տեղեկատվության համատեքստում պարզ է դառնում հայ- թուրքական հարաբերությունների մասին Փաշինյանի վերջին հայտարարությունների ենթատեքստը։
Բազմիցս ասել եմ, որ հայ- թուրքական դիալոգն անհրաժեշտություն է։ Նորմալ եմ համարում, որ հայկական կողմը հանդես է եկել նման նախաձեռնությամբ։ Այլ խնդիր է, որ վստահ չեմ, թե գործող ոչ կոմպետենտ իշխանությունը կարող է նման բարդ գործընթաց սպասարկել։
Արդեն իսկ բացասական է, որ Փաշինյանի մտադրությունների մասին մեր հասարակությունը իմանում է ոչ թե նրանից, այլ Էրդողանից»։